ቅሰኑ ሰማእታትና

“ህዝቢ ኤርትራ ኣንጻር ኲናት እዩ” ዝብል ፈቀድኡ ክልጠፍን መግለጺታት ክግበረሉን እርኢ ኣለኹ።ኣቱም ሰባት፡ ኤርትራ ኲናት ኣይኣወጀትን። ኣብዚ ኣብ ኢትዮጵያ ዝካይድድ ዘሎ ረጽሚ እውን ቀጥታዊት ተዋሳኢት ኣይኮነትን። እኳ ደኣ ንልዕሊ ዕስራ ዓመታት ግዳይ ናይ’ዚ ኲናት ኣብ ልዕሊ ህዝቢ ትግራይ ስሒቡ ዘሎ ጃንዳ ኮይና ጸኒሓ። ስለ’ዚ፡ “ኣብ መንጎ ፈደራላዊ መንግስቲ ኢትዮጵያን ወያነን ዝካየድ ዘሎ ኲናት ንቃወም” ደኣ በሉ እምበር፡ ከምዚ ኤርትራ ንጥፍቲ ተሳታፊት ወይ ወላዒት ናይ’ቲ ኲናት ኣምሲልካ ዝግበር ፈተነታት ጌጋ እዩ። ከምኡ ካብ ምባል ንወያነ ቅሉዕ ደገፍ ምሃብ ይሓይሽ። ብሕሳብ ኤርትራ ደኣ ስለዝኸውን የጒሂ እምበር። ህዝቢ ኤርትራ ንልዕሊ ዕስራ ዓመታት ተጎቢጡ ዝነበረ ዓድታቱ እና ኣማዕደወ ብዓቕሊ ተጸብዩ እዩ። ጎባጢ ወያነ ካብ ወለዖ፡ ውጽኢት ናይ’ዚ ረጽሚ ሰማእታትና ምሉእ ብምሉእ ዝቐስኑሉ ክከውን ኣለዎ።