ንጋባእ፡ንዛተ

ብኻልእ ወገን፡ ኤርትራ ክትረኽቦ እትኽእል ኤውሮጳዊ ሓገዛት (potential aids) ንብዙሓት ከሻቕል ሰሚዕና። “ኢገበይካ ባቡር” ኢሎም ተዛረብቲ ትግረ ከምዚታት ምስ ሰምዑ። ኤርትራ ሃገርና ዝግበኣ ዕቤታዊ ሓገዛት (development aid/fund) ከይትረክብ ዝግበር ፖለቲካዊ ላግጽታት ዘይሓላፍነታዊ እዩ። ጸገምካ ምስ መንግስቲ ኤርትራ እንተኾይኑ፡ቀይሮ። ምቕያር መንግስቲ ድማ ንስኻ ንክተመሓድር ዓቕሚ ከም ዘለካን ሓላፍነታዊ ምኳንካን ንህዝቢ ኤርትራ ክተርኢ ኣለካ።ብዝተረፈ፡ እዚ ዘይሓላፍነታዊ መርገጺታት ነታ ሃገር ንነዊሕ ዓመታት ሃስይዋ እሞ እንተተገምገመ ጽቡቕ ይመስለኒ።

ከም ርድኢተይ እቶም ንኤርትራ ክወሃብ ዝበሃል ሓገዛት ዝቃወሙ ኣካላት ዘቕርብዎ ምኽኒታት፡ ደረት ኣልቦ ኣገልግሎትን ትሑት ክፍሊትን እዩ። ከም ዝመስለኒ፡ እዚታት ምስ ሓፈሻዊ ምምዕባል ቁጠባ እታ ሃገርን ምርግጋእ ሰላም ዞባናን ዝፍታሕ እዩ። ስለ’ዚ፡ ብሓቂ እንተደኣ እቲ ምኽንያት እዚ ኣብ ላዕሊ ዘሎ ኮይኑ፡ ብዝያዳ’ኳ ኤርትራ ሓገዛት ክትረክብ እዮም ክጽዕሩ ዝግበኦም። ብዛዕባ ብቕዓትን ሕልናን (intention) መንግስቲ እንተኾይኑ እቲ ነገር፡ ብመጀመርታ ንግብራዊ ብደሆታት ናይ ምፍታሕን ምምሕዳርን ብቕዓቶምን ሕልናኦምን ከርእዩና ደስ ምበለና።

ብዝኾነ፡ እታ ሃገር ክትመሓደር ኣለዋ። Some organ must govern it. ንፖለቲካዊ ሕሳባት ኢልካ ሃገር ክትሃሲ የብልካን።