ደርስ ምን ሓላማት

እት ሕልም፡ ማሌ ስሕል ደሬኮ—እት ገበዬ፡ እት ቃም ጬዋ ዎ እመህሚመት በጠርኮ። ሸዐብ ሳብት ኤማኑ እብ ፈራሕ ዎ ለውቀት ሓረቤኒ፡ ለበዲር ኣምሮ ሸዐብ። ልዉቅ ኣውጀሀቱ ሴፋ ገብኣ እግልዬ ዎ መስተይ—ሒለት ገብኣ እግልዬ ዎ ሓፋነት። “ሳእዮብ ብና ዐድና እግል ነዐምር፡ ዎ ሰኒ-ዎ-ኣማን ዱሉያም ሀሌና” ቤለውኒ። ኣወል ክሉ፡ ሰላም፡ ደማነት ማይ፡ ደማነት ነብራ፡ ኣግቡይ፡ መዳርስ ዎ ሕክምናታት ንሓዜ ቤለውኒ። “ኣስዋቅና እግል ለዐምር እግልና ንተምኔ” ቤለው። “እግል ንኣስተርሕ ንሓዜ ሀሌና” ቤለው። ” ዎ ምስሉ ሀዬ ቀዳያት እዳረትና እግል ነኣስኔ ዎ ኣስክ ብንየት ዓዳለት ዎ ደሞቅራጥየት እግል ንትበገስ ንእንቀድር” እት ልብሎ ኣትሃጀከውኒ።

ሓቆሁ ኣስክ ናቕፋ ትበገስኮ። ናቅፋ ማ እሉ ደግመት እግልዬ። ወ ምኑ ህዬ ሆባይ-ሰማ ትጸዓንኮ ከ ረወሪት ከበሳ ዎ ኣድብር እምባ ሶይራ ለፈፍኮ። ቆል ሸዐብ ሳሕል ማ ዲቡ ጸንሔኒ። ሸዐብ ደንከል ማ ደግመያ እግልዬ። ዎሮት ምን ጋሽ-ባርካ ጻዕዳ ለመጻ እናስ ዐቢ ማ እላ ቤሌኒ። “ሀገጊት ኣብዛሕክም፡ ሸጋብ ወ ዐመል ንሐዜ ህሌና” ቤሌኒ ለእናስ ለሻይብ። “ኣማንካ ቱ። ሰብ ዐለዮ እምበል ህግያ ሚ ብና” እቤሎ። ወ ደርስ እንዴ ነስኣኮ በል እቤ ምን ሕልምዬ።

ማሕሙድ ሳልሕ (MAHMUD SALEH)